• dc3bw

Svölurnar - tilgangur

Tilgangur félagsins er tvenns konar; í fyrsta lagi að viðhalda kunningsskap og vináttu starfandi og fyrrverandi flugfreyja og flugþjóna og í öðru lagi að láta eitthvað gott af sér leiða.

Allir þeir sem starfa, eða hafa starfað, sem flugfreyjur eða flugþjónar eru velkomnir í félagið. Því fleiri Svölur því öflugra verður starfið og unnt að veita fleiri góðum málum lið.

Fundir félagsins eru kvöldverðarfundir, skemmtilegir og fræðandi, haldnir fyrsta þriðjudag hvers mánaðar yfir vetrarmánuðina frá október fram í maí, að janúarmánuði undanskildum. Sumarferð Svalanna er venjulega farin í byrjun júní.

Undanfarin ár hefur aðalfjáröflunarleið félagsins verið sala jólakorta, gjafakorta og minningakorta. Frá því félagið var stofnað hafa Svölurnar styrkt fjölmörg félög og einstaklinga. Þessi þáttur starfsins er mjög gefandi og ánægjulegt að félagið geti lagt sitt af mörkum til góðra mála.

Svölurnar styrkja aðeins þá einstaklinga og félög sem ekki njóta opinberra styrkja.

Svölurnar - sagan

Árið 1974 hittust nokkrar Loftleiða flugfreyjur og viðruðu þá hugmynd að stofna félag fyrrverandi og starfandi flugfreyja. Eins og konum einum er lagið var drifið í fyrsta fundi 14. mars það sama ár og formlega var svo félagið stofnað þann 5.maí 1974. Starfsárið hófst svo með mánaðarlegum fundum um haustið og var flugfreyjum Flugfélags Íslands boðið að vera með og fljótlega varð félagið opið öllum sem hafa borið starfsheitið flugfreyja eða flugþjónn.  Þetta sama haust var félaginu gefið þetta fallega og táknræna nafn Svölurnar.

Svölurnar byggja starf sitt á þeirri hugmynd að efla og viðhalda góðum kynnum auk þess að fræðast og skemmta sér um leið og þær láta gott af sér leiða. Félagið var frá upphafi góðgerðarfélag og hefur alla tíð haldið úti öflugri fjáröflunarstarfsemi .  Aðalfjáröflun Svalanna er útgáfa jólakorta sem hafa ýmist verið hönnuð af listfengum Svölum eða velunnurum þeirra og hafa allir gefið vinnu sína. Að sjálfsögðu leggja svo félagskonur fram ómælda vinnu við pökkun og dreifingu kortanna og allir sölustaðir selja kortin án þóknunar.  Í gegnum árin hefur ýmislegt annað verið gert til að afla fjár svo sem flóamarkaðir, bingo, happdrætti og 1. maí kaffi. Auk þess greiða Svölurnar félagsgjöld og valkvæð styrktarfélagsgjöld. Allt þetta hefur gert félaginu kleift að kaupa alls kyns tæki fyrir  stofnanir og spítaladeildir og veita styrki til framhaldsnáms í þágu þeirra sem minna mega sín í þjóðfélaginu. Of langt yrði að telja upp allar þær milljónir sem Svölurnar hafa látið af hendi rakna en þær hafa m.a.styrkt MS félagið og MND félagið myndarlega undanfarin ár.

Tekið er vel á móti nýjum Svölum og og það er góð tilfinning að þessi  öflugi hópur láti gott af sér leiða til samfélagsins um leið og þær njóta skemmtilegra samvista. Hér á síðunni er hægt að gerast félagi, sjá  upplýsingar um næstu fundi og annað er viðkemur starfseminni.

Alþjóðasamstarf NTF

Norræna flutningamannasambandið, NTF, eru samtök um fimmtíu stéttarfélaga í starfsgreinum á sviði flutninga, í Danmörku, Finnlandi, Íslandi, Noregi og Svíþjóð. Innan vébanda aðildarsamtakanna eru um það bil 400.000 meðlimir. Sambandið var stofnað árið 1908.

Aðildarfélög samtakanna eru á öllum sviðum flutningageirans, eins og til dæmis sjóflutninga, almenningssamgangna, vöruflutninga á vegum, vinnu á bensinstöðvum, við vörudreifingu og vinnu í vöruskemmum, við blaðadreifingu, vinnu á olíuborpöllum, hafnarvinnu, járnbrautarvinnu og hvers konar vinnu við flugið.

NTF var stofnað til þess að sameina krafta norrænu stéttarfélaganna í flutningageiranum. Með samvinnu getum við, meðlimirnir, á virkari hátt komið málum okkar á framfæri, til dæmis innan Evrópska flutningamannasambandsins, ETF, og Alþjóðlega flutningamannasambandsins, ITF. Starf samtakanna skal vera hnitmiðað.

Tilgangur samtakanna er meðal annars sá, að berjast, með sameiginlegum styrk gegn hvers kyns félagslegum undirboðum, efnahagsbrotastarfsemi, svo og árásum á heildarsamninga og vinnurétt . Með sameiginlegum ákvörðunum og aðgerðum, vilja þau einnig stuðla að stéttarfélagslegri samstöðu innan Norðurlandanna og styrkja hana, og ekki hvað síst, að hver styðji annan, ef kemur til

Fengið að láni af síðu FIA.