• dc3bw

Skilafrestur framboða

Kæru félagar

Frestur til að skila inn framboðslistum rennur út 13. apríl kl. 18:00. Þar sem skrifstofa FFÍ er lokuð á Skírdag 13. apríl er hægt að skila inn framboði í póstkassi merktum Flugfreyjufélagi Íslands í anddyri Hlíðasmára 15 eða sem pdf skjal í tövlupósti á This email address is being protected from spambots. You need JavaScript enabled to view it.

Bestu kveðjur,

Fyrir hönd kjörstjórnar

Sigríður Ása

Framboðslisti til stjórnarkjörs

Kæru félagar

Aðalfundur Flugfreyjufélags Íslands verður haldinn 27. apríl 2017. Formlegt fundarboð verður sent út til félagsmanna 7 dögum fyrir aðalfund.

Meðfylgjandi skjal inniheldur framboðslista til stjórnar FFÍ 2017.

Framboðslisti


Bestu kveðjur
Aðalkjörstjórn FFÍ

Orlofsfréttir - sumarhúsin

Kæru félagsmenn

Eins og fram hefur komið áður þá seldi Orlofssjóður FFÍ annan sumarbústaðanna okkar í Húsafelli. Einnig var íbúðin á Akureyri, Hafnarstræti 100, seld í nóvember. Ástæður þess að ákveðið var að fara í þessar breytingar var einfaldlega sú að rekstur þessara orlofskosta stóð ekki undir sér. Verulega hafði dregið úr útleigu nema yfir sumartímabilið og komið að ýmsu viðhaldi.

Íbúðin á Akureyri var í eigu félagssjóðs og greiddi orlofssjóður leigu til hans ásamt því að standa undir rekstrarkostnaði. Þar sem þessir 2 sjóðir eru í vörslu stéttarfélagsins undir ólíkum formerkjum var það mat bókara og endurskoðanda að best væri að félagssjóður kæmi ekki að orlofsmálum. Skoðaðir voru margir kostir og ákveðið að fjárfesta áfram í eign á Akureyri. Besti kosturinn var að mati orlofsnefndar og stjórnar FFÍ  hús sem síðan var keypt núna í janúar.

Húsið er heilmikil fjárfesting og því miður sér orlofssjóður ekki fram á að annar sumarbústaður verði keyptur á næstu misserum. Því verða aðeins 3 kostir í boði í sumar. Verið er að skoða hvort fýsilegt sé að leigja bústað í 3 mánuði í sumar eða hvort aðrir kostir séu í stöðunni.

Húsið sem keypt var á Akureyri er í nýrri byggð í hlíðum Hlíðarfjalls, með frábæru útsýni um allan fjörð og örstutt á skíði á veturna. Húsið stendur við Hrafnaland og er nr.8. Svæðið kallast Hálönd og eru öll húsin eins að utan en orlofsnefndin hefur gert ýmsar breytingar á innréttingum til að aðlaga það betur að okkar þörfum. Gistirými verður fyrir 6 í rúmum og 2 á dýnum.

Húsið er í 6 mín akstursfjarlægð frá miðbæ, 3 mín í næstu búð, golfvöllur í göngufæri og auðvitað hægt að renna sér úr fjallinu beint niður í hús. Það er skoðun okkar í nefndinni að þetta sé besti kosturinn bæði sem langtíma fjárfesting og frábær orlofskostur bæði að sumri og vetri. Því miður mun það ekki verða tilbúið fyrir páska en vonandi í byrjun maí.

Opnað var fyrir umskóknir um páskatímabilið í dag en ekki verður úthlutað fyrr en allir félagsmenn hafa fengið apríl skrá. Þannig gefst öllum tækifæri á að sækja um.

Með von um frábært orlofssumar.

Nefndin.